Hargeysa – Agaasimaha Guud ee Wasaaradda Qorshaynta iyo Horumarinta Qaranka Somaliland, Mudane Maxamed Siciid Maxamuud, ayaa guddoomiyey kulanka toddobaadlaha ah ee maamulka sare ee Wasaaradda, kaas oo diiradda lagu saaray qorshaynta, kormeerka, tirakoobka iyo isku-duwidda kaalmada horumarineed.

Kulanka oo ay ka qayb galeen Agaasime-waaxeedyada iyo madaxda xafiisyada Wasaaradda ayaa lagu soo bandhigay cusboonaysiinta siyaasadda Kormeerka iyo Qiimaynta (M&E), warbixinta tirakoobka degmooyinka Hargeysa iyo Berbera, iyo warbixinta socodka kaalmada horumarineed ee Aid Flow Report.

Masuuliyiintu waxay sidoo kale ka wada hadleen xoojinta wada-shaqaynta, isla-xisaabtanka iyo dardargelinta fulinta qorshayaasha shaqo ee Wasaaradda.

Ugu dambayn, Agaasimaha Guud ayaa masuuliyiinta ku bogaadiyey dadaallada ay wadaan Agaasime-waaxeedyadu, isaga oo ku adkeeyey muhiimadda ay leeyihiin qorshayn tayo leh, xog sugan iyo fulin habboon, si loo xaqiijiyo horumarka iyo hirgelinta qorshayaasha qaranka.