Saaxil – Dhakhaatiirta ka tirsan Wasaaradda Xannaanada Xoolaha iyo Horumarinta Reer Miyiga ee Gobolka Saaxil ayaa maanta adeegyo caafimaad u fidiyey xoolaha ku nool deegaanka Higlaale, oo ka tirsan tuulada Kalqoray ee Degmada Mandheera.

Dhakhaatiirta ayaa deegaanka ka fuliyey adeegyo isugu jiray daaweyn iyo nafaqayn xoolaha, kuwaas oo si weyn uga faa’iidaysteen xoolo-dhaqatada deegaanka.

Xoolaha ayaa laf-dhabar u ah nolosha iyo dhaqaalaha bulshada ku nool deegaankaas, iyadoo xoolo-dhaqatadu si weyn ugu tiirsan yihiin wax-soo-saarkooda.

Daryeelayaasha iyo Kalkaaliyayaasha Caafimaadka Xoolaha ee Gobolka Saaxil ayaa sheegay inay mar walba heegan u yihiin gaadhsiinta adeegyada caafimaadka xoolaha deegaannada ay ku dhaqan yihiin xooluhu, si loo ilaaliyo caafimaadkooda loona taageero xoolo-dhaqatada.