Xoghaya Xisbiga Wadani 'Xoghayn Ilaa Afhayeen Goormuu Noqday?
Ugu horey waxaan salaamayaa bahda saxaafada guud ahaan gaar ahaan ''ascw''
Kadib beryahan danbe dadkii waxaa ku soo badanaya dad meel ay ka
yimaadeen iyo taariikh ay leeyahiin aan cidba garaneyn oo Idaacadaha la
iska arko ama Tv yada loo yaqaano ka qayliya. Somalidii hore ama
Awooyaasheen horey u maahmaaheen oo ay u yidhaahdeen ninka goormaa la
gartaa aqligiisa iyo aqoontiisa,dadnimadiisaba? Waaney ka jawaabeen oo
waxa ay yidhaahdeen marka uu hadlo.
Hadaba somaliland xisbiyadeedu ma waayaan kolba mid ka soo dhexmuuqda
oo inta badana ku soo gala ama xilka ku hela Eex iyo hab is xigsiinimo.
Aan ku soo noqdo qofka aan ka hadalayaa waa xogheyaha xisbiga wadani 'xogheyn xisbi ilaa afhayeen xisbi'
Dhibaatada jirta waxa weeye masuul qoslaaya marka uu ka hadalaayo arin
ah siyaasad ama hogaamine bulsho marka aad caalamka iyo madaxda aduun ka
eegto marka ay shacabka la hadlayaanba inta badan marka laga reebo ,
wakhtiyada olalaha ay ku jiraan ma kaftmaan inta badan hadey kaftamaana
qosal kuma daraan.
Ninka hogaamiyaha ah waxaa looga baahanyahey in uu fahmo waxa uu ka
hadlaayo balse maahan in sida uu xaflad aroosa joogo uu sida gabdha
yaryar qosol isla soo taago waayo qosol iyo siyaasadu waa kala
duwanyahiin marka aad wadato magac hogaamineed ama aad mataleyso xisbi
in aad iska qosoltaa waxay cadeynaysaa heerka aad qof ahaan ka joogto in
aad fahansantahey wakhtiga markaasi ay bulshada aad la hadleysaa ku
suganyahiin.
Qosalka badanaa madaxdu waxa uu sawir ka bixiyaa kalsoonida qofkaasi
in ay hoosayso waa ceebaha ugu waaweyn ee qofkaasi yeesho.
Hadaba yarkan xogheyaha ah horta anigu aqoon uma lahi waligeyna maan
maqal maanta ka hor balse waxa iiga muuqda marka uu xogahye yahey in
shaqadan afhayeenka aaney shaqdiisii aheyn ee uu u daayo ninkii lahaa.
Ta kale ninkan waxa uu ceeb ku yahey in uu somaliland siyaasadeeda ka
hadlo waayo maahan qof leh heerkeeda iyo aqoonteeda waxana inta badan
ku maadsada qolooyinka somaliland neceb oo u arka qof waalan oo siraha
dadka iyo dalkaba ka sheekeynaya si public ah ee uu warbaahinta la
imanaaya hadalo catow ah iyo calaacal u badan.
Waxaan ku soo xidhayaa dalkan iyo dadkani reer somaliland dadka noocan
ah ee magaca somaliland dilaya in loo fiirsado oo ummadu ay iska
qabtaan maahan in aynu aqligeena iyo umad ahaanteen dhageysano nooc
wax ma garto ah oo sidii caruurta u sheekaynaaya.
Waad mahadsantahiin.
Qore:Tahir hussein
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...