Caaqil Reer Hargeysa Oo Soo Bandhigay Dhul Uu Sheegay Inuu Awood Kaga Qaadayo Gudoomiyaha Guddida Doorashooyinku.

Hargeysa(HWN):-Caaqil Xasan Axmed Qaalib oo ka mid ah madax dhaqameedka somaliland ayaa soo bandhigay dhul uu sheegay in qoyskoodu leeyahay oo uu ku haysto gudoomiyaha guddida doorashooyinku.

Caaqil Xasan Axmed Qaalib ayaa qoraal uu soo saaray waxa uu ku sheegay in dhulkan oo qoyskoodu leeyahay uu si badheedh ah ugu haysto gudoomiyaha guddida doorashooyinka somaliland Cabdiqaadir Iimaan Warsame.

Caaqil Xasan ayaa sheegay in gudoomiye Cabdiqaadir Iimaan uu doonayo inuu awood ku dhisto dhulkaas oo ku yaala koonfurta xaafada Masalaha ee magaalada Hargeysa, waxaanu qoraalkiisa ku yidhi "

Wuxu yidhi "ma ninkii aan lahaa sanadka haloo guuriyo ayaa like qotay", Anna maanta waxan leeyahay "ma ninkii aan lahaa Doorashada ha qabto ayaa baloodhkaygii igu haysta".

Halkani waa beertii ilma Qaalib Mire oo Ku taala Masalaha Koonfureed ee Hargaysa. Waxay taariikhda dhulkani kasoo bilaabmay wakhtigii Ingiriiska ee Ka horeeyay 1960 kii. Anagu waxanu Ka dhaxalnay Aabayaashayo, Aabayaashayna waxay Ka dhaxleen Awoowyaday, Waliba dhulkan waxa nagu soo martay dhacdooyin fara badan oo Arab oo dhami wada ogyahay, waa meeshii wakhtiyada qaar reerkayaga dhamaantii lagu laayey ee ay wax dhintay iyo wax dhaawacmay noqdeen.

Iyadoo ay sidaa tahay taariikhda dhulkani haddana maanta waxa igu haysta oo waliba isagoo dhul boob ah ciid, sibidh, biyo iyo dhax isoo dul dhigay Gudoomiyaha Komiishanka Qaranka Somaliland Eng Cabdiqaadir Iimaan iyo waliba nin kale oo ay isku Reer yihiin oo Isna Qaranka xil u haya, degreeto Madaxwaynana Ku magacaaban waa Komishaneer Ka tirsan gudida ladagaalanka Musuqmaasuqa Mr Dayib yare.

Hadda aniga oo aan Ka tagahayn milgihii Madax dhaqameednimo waxan la socod siinayaa dhamaan shacbi waynaha Reer Somaliland, gaar ahaan beel waynta Arab in nimankaa layga soo qabto qalabkaa dhismaha ee beertaydii dhex yaalana layga soo raro.

Ugu dambayn, waxan u sheegayaa nimankaa dhul boobka ah ee aanu isku xaafada nahay ee shaadhka ay Qaranka u xidhanyihiin igu boobaya waliba iyagoo ciidamo wata, inaanan haynin wax dhul ah oo Dan guud ah haya yaraadee, Dawladuna ay hore iiga jartay dhulkii danta guud ee igu waajibay. Sidaa darteed wixii dheeraada ee layga doonaa ay yihiin waxaan Ku dhimanayo dhayalna aan laygaga furfurahayn, sidoo kalena ay igu taageersanyihiin iguna ixtiraami doonaan dhamaan dhalinyarada aan Caaqilka u ahay iyo kuwa aanu asxaabta nahay labaduba.

Wabilaahi tawfiiq
By Caaqil Xasan Axmed Qaalib oo Ka wakiil ah dhamaan Reer Qaalib