Golaha Guurtida Jamhuuriyadda Somaliland ayaa maanta yeeshay kal-fadhi aan caadi ahayn oo lagu doortay guddoomiyaha cusub ee Golaha, kadib iscasilaaddii Guddoomiyihii hore, Mudane Saleebaan Maxamuud Aadan.

 

Fadhiga, oo ay ka soo xaadireen 74 mudane, ayaa waxaa shir-guddoominayey Guddoomiye Ku-xigeenka Koowaad ee Golaha Guurtida, Mudane Axmed Cabdi Shide. Intii uu kulanku socday, Xoghayaha Golaha Guurtida, Garyaqaan Cabdinaasir Aadan Beegsi, ayaa mudanayaasha u akhriyey waraaqdii iscasilaadda Guddoomiyihii hore.

 

Kadib habraacyadii doorashada, Golaha Guurtida ayaa si rasmi ah u doortay Guddoomiye cusub, kaas oo hoggaamin doona Golaha muddada soo socota, iyadoo la filayo inuu sii ambaqaado hawlaha sharci-dejinta iyo waajibaadka Golaha Guurtida.

 

Doorashadan ayaa timid kadib markii Saleebaan Maxamuud Aadan uu xilka iska casilay, taas oo soo afjartay hoggaankiisii Golaha Guurtida ee socday muddo 22 sano ah.