Xildhibaan Ilkacase ayaa sheegay in culaysyo badan oo bulshada haystay ay yaraadeen tan iyo markii ay talada dalka la wareegtay xukuumadda hadda jirta.

Xildhibaanka ayaa tilmaamay in xukuumaddu qaaday tallaabooyin lagu xallinayo qaar ka mid ah caqabadihii bulshada soo wajahayey, isaga oo xusay in isbeddello muuqda laga dareemay dhinacyo kala duwan.

"Culays badan ayaa bulshada ka degay intii ay xukuumaddani timid,” ayuu yidhi Xil. Ilkacase.

Waxa uu sidoo kale ku bogaadiyey xukuumadda dadaallada ay ku doonayso inay wax kaga qabato arrimaha bulshada iyo horumarinta adeegyada muhiimka ah.

Hadalka Xildhibaanka ayaa ku soo beegmaya xilli ay socdaan doodo la xidhiidha waxqabadka xukuumadda iyo qiimaynta tallaabooyinka ay qaadday muddadii ay xilka haysay.