Bismillaahi Alraxmaan Alraxiim,

[A.S.C.W.R.W.B] Tu Khaas Ahna,

Bahda H/W Iyo Akhristayaasha.

1-Werweriyo Wanaagood, Midna Laguma Waaraayo, Wareeg Weeye Meeraaya,

Guduun Waajibaadkaaga,

Weynahaana Talo Saaro.

2-Waaberyaaba Waayo Leh,

Sida Ruux Ku Waaraayoon,

Weligiiba Ka Dhimanaynin,

Wakhtigaaguun Weelayso,

Wadkuna Kaama Sii Dheera.

3-Weynaha Adunyada Leh

Waa Inaad Ogsoonaatido,

Wafeey Weelka Akhirada,

Waarimaayso Dunidaniye,

Wax Sii Dhigo Adoo Nool.

4-Wadku Ruuxu Doonaayo,

Waanada Qaadan Maayo,

Wadhida Ceebsan Maayo,

Wacyigelin Laguma Karo,

Waxtarkana Kaga Daran.

5-Waayeel Da"A Weyn Ma Ahee,

Waayo Arag Wax Garasho Leh,

Wacad Eebbaheen Jebininooh,

Waayo Badan Allu[Swt] Dajay,

Wanaaga Lagaga Talo Galayo.

6-Welef Waali Boobaynin,

Weerar Aan Ku Barokicin,

Waalidkiyo Caruurtooda,

Waxna Aan U Dhaafaynoo,

Wadhayna Suuqa Dayniile.

7-War La"Aanta Duulaanka,

Weerarkiyo Indha La"Aanta,

Warku Sheegay Xuubcaaro,

Wakiilna Geele Loo Doortay,

Wadhi Soow Kamay Raacin.

8-Wardhegaysteyal Dharsan,

Weligood Hurdada Seexan,

Waayahaanba Soo Jeeday,

Waaqleh Soo Lamay Beegsan,

Waajibkoodana Lama Marinin.

9-Wacadqabe Gurguurtoow,

War Naga Qaado Xasusnow, [Wadhafiyo Shinbirahiinan],

War Moogaanta Soo Duulay,C

Wajaqiyo Wareer Kugu Dhaca.

10-Waalidan Cirraa Curiyay,

Carabtiina Wada Qaado Inta,

Adiga Kula Cayna Ceebta Aan,

Ka Dhawrsoonin Casro Dhan

Ku Jooga Ee Laba Canlaynaya.

Ismail Handuleh.