Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa dallacsiiyay 525 sarkaal oo ka tirsan Ciidanka Booliska Somaliland, tallaabadaas oo lagu sheegay mid lagu xoojinayo hay’adaha amniga dalka.

Taliyaha Ciidanka Booliska Somaliland, Sarreeye Guuto Cabdiraxmaan Cabdilaahi Xasan, ayaa hambalyo u diray saraakiisha cusub ee la dalacsiiyay, isaga oo uga mahadceliyay Madaxweynaha go’aankaas.

Dallacaaddan ayaa lagu tilmaamay mid kor loogu qaadayo tayada iyo hufnaanta Ciidanka Booliska, si ay uga sii qayb qaataan sugidda amniga iyo ilaalinta shacabka Somaliland.