Magaalada Ceerigaabo ayaa maanta si weyn looga xusay munaasibadda maalinta qaran ee 18-ka May, iyadoo boqollaal shacabka magaalada ah ay isugu soo baxeen fagaarayaasha iyo waddooyinka waaweyn ee magaalada.

Dabaaldegga ayaa lagu soo bandhigay calanka Somaliland, gaadiid la qurxiyey iyo bandhigyo kala duwan oo ay sameeyeen qaybaha bulshada, ciidamada iyo dhalinyarada magaalada.

Masuuliyiin ka tirsan maamulka gobolka Sanaag, waxgarad, haween iyo dhalinyaro ayaa ka qaybgalay munaasibadda, iyagoo shacabka kala qayb qaatay dabaaldegga maalinta 18-ka May oo sanad kasta si weyn looga xuso guud ahaan Somaliland.

Dadweynaha magaalada Ceerigaabo ayaa muujiyey dareenkooda ku aaddan maalintan qaran, iyadoo jawiga magaalada maanta uu ahaa mid si weyn loogu dabbaaldegayo munaasibadda xuska 18-ka May.