Madaxweyne Ku-xigeenka Somaliland, Maxamed Cali Aw-Cabdi, ayaa Wasaaradda Warfaafinta, Dhaqanka iyo Wacyigelinta ugu baaqay inay xoojiyaan barnaamijyada bulshada lagu baraarujinayo dhibaatooyinka qabyaaladda iyo maandooriyaha.

Madaxweyne Ku-xigeenka ayaa sheegay in labadaasi arrimood ay saameyn weyn ku leeyihiin bulshada, gaar ahaan dhalinyarada, loona baahan yahay olole wacyigelin ah oo si joogto ah uga baxa warbaahinta dowladda.

Waxa uu soo jeediyay in idaacadaha iyo warbaahinta qaranka lagu daro barnaamijyo gaar ah oo bulshada lagu fahamsiinayo khatarta qabyaaladda iyo mukhaadaraadka, si loo xoojiyo wacyiga bulshada iyo ilaalinta midnimada shacabka.