Magaalada Muqdisho ayaa saaka laga dareemayaa xaalad degganaansho ah, kaddib dibad-bax ay mucaaradku ku baaqeen oo u muuqda in aanu u qabsoomin sidii la filayay.

Wararka laga helayo caasimadda ayaa sheegaya in isu-soo-baxii mucaaradka aanu helin ka-qaybgal ballaadhan, iyadoo goobihii loogu talo galay mudaharaadka ay ahaayeen kuwo aan si weyn looga dareemin shacabka.

Dhanka kale, ciidamada ammaanka ayaa si weyn loo geeyay waddooyinka muhiimka ah iyo goobaha muhiimka ah ee magaalada, si loo xaqiijiyo amniga loogana hortago falal amni-darro ah.

Madaxda mucaaradka ayaa hore ugu baaqay shacabka inay ka qayb qaataan dibad-baxa, hase yeeshee muuqaalka saaka laga arkayo Muqdisho ayaa muujinaya in isu-soo-baxu aanu u dhicin qaabkii loo qorsheeyay.

Xukuumadda Federaalka Soomaaliya ayaan weli si rasmi ah uga hadlin natiijada mudaharaadka iyo xaaladda guud ee magaalada Muqdisho.