Dawladda Hoose ee Gabiley oo kaashanaysa bulshada magaalada ayaa maanta fulisay olole nadaafadeed oo ballaadhan, kaas oo qayb ka ah diyaar-garowga xuska maalinta qaran ee 18-ka May.

Ololahan ayaa lagu nadiifinayay jidadka waaweyn iyo goobaha muhiimka ah ee magaalada, iyadoo masuuliyiinta dawladda hoose, dhalinyarada iyo qaybaha kala duwan ee bulshada ay si wadajir ah uga qayb qaateen hawlaha nadaafadda.

Masuuliyiinta degmada ayaa sheegay in ujeeddada ololahani tahay kor u qaadista bilicda iyo nadaafadda magaalada, si Gabiley ugu diyaar garowdo munaasibadda qaran ee 18-ka May oo leh muhiimad weyn.