Guddoomiyaha ururka SOLJA, Shaafici Maxamed Ibraahim, ayaa ku dhawaaqay in si rasmi ah loo dhammeeyay khilaafkii u dhexeeyay Golaha Wakiillada iyo bahda warbaahinta Somaliland.

Guddoomiyuhu wuxuu sheegay in labada dhinac dib ugu laabanayaan hawlahoodii caadiga ahaa, isaga oo xusay in warbaahinta iyo Golaha Wakiilladu muddo dheer ahaayeen saaxiibo si dhow u wada shaqeeya.

Shaafici ayaa tilmaamay in la dejin doono habraac cusub oo lagu xoojinayo wada-shaqeynta labada dhinac, si mustaqbalka loogu xalliyo wixii caqabado ama tabashooyin ah ee soo baxa.

Sidoo kale, wuxuu ugu baaqay suxufiyiinta inay ilaaliyaan sumcadda iyo sharafta mihnaddooda iyaga oo gudanaya waajibaadkooda shaqo, halka Golaha Wakiilladana uu ugu baaqay inay diyaariyaan jawi ku habboon shaqada warbaahinta.