Wasiirka Wasaaradda Caddaaladda Somaliland, Mudane Yoonis Axmed Yoonis, ayaa maanta si rasmi ah u shaaciyay dhismaha Guddida Ruqsad-bixinta iyo Anshax-marinta Qareennada, kadib wareegto uu ka soo saaray xafiiskiisa.

Guddidan cusub ayaa lagu dhisay wax-ka-beddelka iyo kaabista Xeerka Qareennada (Xeer Lr. 30/2004), waxaana loo igmaday nidaaminta, hagidda iyo horumarinta mihnadda qareennimada ee dalka.

Sida lagu sheegay wareegtada, guddidu waxay masuul ka noqon doontaa:

Bixinta ruqsadaha qareennada

Dabagalka anshaxa xirfadeed

Hubinta in adeegyada sharcigu waafaqsan yihiin xeerarka dalka

Wasiirka ayaa carrabka ku adkeeyay muhiimadda guddidani u leedahay tayaynta adeegyada sharciga iyo ilaalinta kalsoonida mihnadda qareennimada, isaga oo ugu baaqay hay’adaha iyo daneeyayaasha inay la shaqeeyaan guddida.

Xubnaha Guddida:

Axmed Maxamed Iidan – Agaasimaha Waaxda Mihnadlayaasha Sharci

Ibraahim Khadar Siciid – Agaasimaha Waaxda Arrimaha Shuruucda

Axmed Muuse Jaamac – Xildhibaan

Cali Siciid Cali Nuux – Xildhibaan

Yaxye Cali Idiris – Garyaqaan

Cabdiraxmaan Cali Maxamed – Garyaqaan

Sawda Maxamed Xirsi – Garyaqaan