Shacabka Somaliland ayaa si weyn ugu diyaar garoobaya dabaaldega maalinta qaran ee 18-ka May ee bishan gudaheeda, iyadoo laga dareemayo guud ahaan gobollada iyo degmooyinka dalka diyaargarow ballaadhan.

Wararka iyo hadallada bulshada dhexdeeda ka socda ayaa muujinaya rajooyin ku saabsan horumarro diblomaasiyadeed, iyadoo la sheegay in bishan gudaheeda ay jiri karaan tallaabooyin cusub oo ku saabsan aqoonsiga Somaliland.

Dhanka kale, waxaa si xooggan loo adkaynayaa muhiimadda amniga, iyadoo shacabka loogu baaqayo inay kaalin ka qaataan sugidda nabadgelyada, isla markaana ay gacan siiyaan ciidamada kala duwan ee qaranka, si dabaaldegyadu ugu dhacaan si nabad ah oo farxad leh.

Bulshada ayaa sidoo kale ku boorrinaysa midnimo, wadajir iyo ilaalinta qarannimada, si munaasabadda 18 May ay u noqoto mid si weyn oo sharaf leh loo xuso.