Wasaaradda Horumarinta Biyaha Somaliland, gaar ahaan Waaxda Farsamada iyo Dayactirka Ceelasha, ayaa dayactir ballaadhan ku samaysay ceelka Wado-makaahiil.

Hawlahan dayactirka ah ayaa si wadajir ah u fulisay wasaaradda iyo Alight, iyadoo ujeeddadu tahay dib u soo celinta shaqadii ceelka iyo xoojinta helitaanka biyo nadiif ah oo joogto ah.

Mashruucan ayaa la filayaa inuu wax weyn ka tari doono baahiyaha biyaha ee bulshada deegaanka, isla markaana uu kor u qaado adeegyada biyaha ee waara.