Wasiiru-dawlaha Arrimaha Gudaha iyo Amniga, Cabdirashiid Magaalo, iyo Guddoomiyaha gobolka Sanaag, Maxamuud Raage, ayaa kulan muhiim ah la qaatay waxgaradka, cuqaasha iyo bulshada deegaanka Xaadh ee degmada Maydh, halkaas oo dhawaan ay ka dhaceen shaqaaqooyin.

Kulanka ayaa diiradda lagu saaray adkaynta nabadda, xoojinta wada-hadallada, iyo sidii xal waara loogu heli lahaa xaaladdii ka dhacday deegaankaasi.

Mas’uuliyiinta ayaa bulshada ku boorriyay ilaalinta nabadgelyada, ka fogaanshaha wax kasta oo keeni kara colaad, iyo xoojinta wada-noolaanshaha, iskaashiga iyo midnimada bulshada, si looga hortago khilaafaad kale oo soo noqda.