Guddoomiyaha gobolka Saraar ayaa xafiiskiisa ku qabtay kulan muhiim ah oo uu la yeeshay isu-duweyaasha iyo masuuliyiinta kala duwan ee laamaha dawladda ee gobolka.

Kulankan ayaa diiradda lagu saaray dardargelinta shaqooyinka hay’adaha dawladda, xoojinta gurmadka abaaraha ka jira gobolka, iyo sidii si wanaagsan loogu diyaar garoobi lahaa xuska munaasabadda qaran ee 18-ka May.

Masuuliyiinta ka qeyb galay kulanka ayaa isku raacay in la mideeyo dadaallada, isla markaana si wadajir ah loo shaqeeyo si loo daboolo baahiyaha degdegga ah ee bulshada, loona xaqiijiyo diyaar-garow habboon oo ku aaddan munaasabadda qaran.