Guud ahaan gobollada iyo degmooyinka Jamhuuriyadda Somaliland ayaa si weyn looga dareemayaa u diyaar-garowga xuska maalinta 18-ka May, oo ah sanadguuradii 35-aad ee kasoo wareegtay maalintii Somaliland dib ula soo noqotay madax-bannaanideeda sannadkii 1991-kii, taas oo ah maalin qaran oo si weyn ugu weyn quluubta shacabka.

Magaalada Hargeysa ayaa si gaar ah looga dareemayaa qaban-qaabada xuska, iyadoo hay’adaha dowladda, ciidamada kala duwan iyo bulshada ay si buuxda ugu hawlan yihiin diyaarinta munaasibadaha maalintaas.

Waddooyinka waaweyn ee magaalada ayaa lagu qurxinayaa calanka Somaliland iyo astaamo kale oo muujinaya midnimada iyo qaranimada, halka sidoo kale si weyn loo iibinayo calanka Somaliland iyo agabka xuska ee lagu qurxiyo magaalooyinka dalka.