Xildhibaannada Golaha Wakiillada Somaliland ayaa lagu wargeliyey in uu si rasmi ah u furmi doono kal-fadhigii 14aad ee golaha maalinta Isniinta, iyadoo mudanayaashu dib u bilaabi doonaan hawlihii shaqo ee golaha, gaar ahaan ka doodista iyo ansixinta xeerarka dalka.

Sidoo kale, xildhibaannada ku sugan gudaha dalka iyo kuwa dibaddaba waxaa laga codsaday inay si waqtiyeysan uga soo qayb galaan furitaanka kal-fadhiga, iyagoo ilaalinaya wakhtiga si ay u gutaan waajibaadkooda dastuuriga ah.

Furitaanka kal-fadhigan ayaa muhiim u ah sii ambaqaadidda howlaha sharci-dejinta iyo dardargelinta ansixinta xeerarka muhiimka u ah dalka.