Ciidamada Booliska Jamhuuriyadda Somaliland ee Qaybta Gobolka Sanaag ayaa gacanta ku soo dhigay eedaysane lagu magacaabo Maxamed Axmed Maxamuud, kaas oo ku eedaysan dilka marxuum Cabdikariim Kayse Ibraahim.

Eedaysanaha ayaa lagu qabtay hawlgal qorshaysan oo ay fuliyeen Ciidamada Booliska Gobolka Sanaag, iyaga oo sheegay in tallaabadan ay qayb ka tahay dadaallada lagu xoojinayo amniga iyo la dagaallanka dambiyada culus.

Boolisku waxa ay caddeeyeen in eedaysanaha si degdeg ah loo horgeyn doono hay’adaha garsoorka, si loo mariyo habraaca sharciga.

Dilka loo haysto eedaysanaha ayaa dhawaan ka dhacay deegaanka Ximan-gareen ee Gobolka Sanaag, kaas oo si weyn u gilgilay bulshada deegaanka.

Tallaabadan ay qaadeen Ciidamada Boolisku ayaa muujinaysa dadaalka joogtada ah ee lagu xaqiijinayo caddaaladda iyo sugidda amniga guud ee gobolka.