Alle ha u naxariistee, waxa aas qaran loogu sameeyay degmada Garanuugle marxuum Cali Maxamed Diiriye (Baanday), oo ka mid ahaa shakhsiyaadkii qiimaha iyo kaalinta muuqata ku lahaa bulshada.

Aaska marxuumka ayaa waxaa ka qayb galay masuuliyiin, ehel, qaraabo iyo qaybaha kala duwan ee bulshada, kuwaas oo si murugo leh u sagootiyay marxuumka, una muujiyay qadarin iyo xusuus wanaagsan.

Masuuliyiintii ka hadashay munaasibadda aaska ayaa xusay doorkii iyo taariikhdii uu marxuumku ku lahaa bulshada, iyaga oo ku tilmaamay shakhsi dadaal badan oo raad wanaagsan ka tagay.

Marxuumka ayaa lagu xasuusan doonaa waxqabadkiisii iyo kaalintii uu ka qaatay horumarinta bulshada, waxaana Alle SWT looga baryay inuu janatul-firdowsa ka waraabiyo, ehelkii iyo qaraabadiisiina ka siiyo samir iyo iimaan.