Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa magacaabay guddi heer qaran ah oo loo xilsaaray xal u helidda khilaafka ka taagan University College of Health Sciences ee Burco, khilaafkaas oo saameeyay maamulka iyo habsami u socodka hawlaha jaamacadda.

Guddidan ayaa si degdeg ah u bilaabay shaqadooda, iyaga oo diiradda saaraya dejinta xaaladda, ilaalinta nidaamka waxbarashada, iyo in xal waara laga gaadho khilaafka, iyadoo la raacayo shuruucda dalka.

Qodobbada la isla gartay waxaa ka mid ah:

In jaamacaddu tahay hanti qaran oo muhiim ah

In ay sii waddo adeegyada waxbarasho ee ay bulshada u hayso

In golayaasha sare ee jaamacaddu qaataan doorkooda hoggaamineed

In la joojiyo tallaabo kasta oo carqaladayn karta habsami u socodka waxbarashada

Xukuumadda ayaa mar kale adkaysay muhiimadda ay leedahay ilaalinta tacliinta sare iyo xasilloonida hay’adaha waxbarashada, iyadoo guddidan laga sugayo inay si dhakhso leh u keenaan xal waara.

Guddigan heer qaran ah ayaa ka kooban:

Wasiirka Madaxtooyada Somaliland

Wasiirka Waxbarashada

Wasiirka Caafimaadka

Guddoomiyaha Komishanka Qaranka ee Tacliinta Sare

Tallaabadan ayaa muujinaysa dadaalka xukuumadda ee ku aaddan xallinta khilaafaadka waxbarashada iyo ilaalinta tayada tacliinta dalka.