Wefti uu hoggaaminayay Guddoomiye ku-xigeenka Baanka Dhexe ee Jamhuuriyadda Somaliland, Mudane Xamse Cabdiraxmaan Kheyre, ayaa ka qaybgalay Madasha Caalamiga ah ee Tiknoolajiyadda Maaliyadeed ee Loo Dhan Yahay (IFF) 2026 iyo MojaCom 30, oo lagu qabtay magaalada Kigali ee dalka Rwanda.

Intii uu socday shirka, weftiga Somaliland ayaa kulamo doceedyo muhiim ah la yeeshay madax iyo khubaro ka kala socday hay’ado maaliyadeed iyo shirkado tiknoolajiyadeed oo caalami ah. Kulamadaas ayaa diiradda lagu saaray is-dhaafsiga khibradaha, xoojinta xiriirka daneeyayaasha caalamiga ah, iyo horumarinta iskaashiga maaliyadeed ee heer caalami.

Sidoo kale, kulamada waxaa si gaar ah looga wada hadlay casriyeynta nidaamka lacag bixinta qaranka, horumarinta adeegyada maaliyadeed ee dijitaalka ah, iyo xoojinta kaabayaasha maaliyadeed, si loo taageero kobaca iyo adkaynta dhaqaalaha Jamhuuriyadda Somaliland.