Madaxweynaha Russia, Vladimir Putin, ayaa warqad hambalyo ah u diray hoggaamiyaha cusub ee sare ee Iran, Mojtaba Khamenei, sida ay sheegtay Kremlin.

Putin ayaa warqaddiisa ku sheegay in xilka cusub ee Khamenei uu ku soo beegmay xilli adag oo Iran ay la kulmeyso xaalado amni iyo siyaasadeed oo culus.

Wuxuu ku yiri farriintiisa:

"Waqti ay Iran la kulmeyso gardarro hubaysan, xilka aad ku sii hayso jagadan sare shaki la’aan wuxuu u baahan yahay geesinimo iyo dadaal weyn.”

Taageerada Moscow

Putin wuxuu sidoo kale muujiyey taageerada joogtada ah ee Moscow u hayso Tehran, isagoo sheegay in Ruushku sii ahaan doono saaxiib la isku halayn karo oo Jamhuuriyadda Islaamiga ah.

Wuxuu intaas ku daray inuu ku kalsoon yahay in Mojtaba Khamenei uu ilaalin doono dhaxalka aabbihii, isla markaana uu mideyn doono shacabka Iran xilli ay wajahayaan caqabado waaweyn.

Eedeymo Ku Saabsan Taageerada Milatari

Dhanka kale, warbixino ka soo baxay ilo la xidhiidha sirdoonka United States ayaa ku eedeeyay Ruushka inuu Iran ka caawinayo dhinaca sirdoonka militariga, gaar ahaan xog la xidhiidha bartilmaameedyada ciidamada Maraykanka.

Si kastaba ha ahaatee, Kremlin weli wax jawaab rasmi ah kama bixin eedeymahaas.