Somaliland: Degenaansho Iyo Dulqaad Ujeedo Leh Ayaa Loo Baahanyahay
Salaan ka dib
Maalin dhawayd oo aan dadka qaar la wadaagay maqaal aan helay;
saacaddo dhan baan ka fekerayay oo aan ka baqanayay in loo fahmo
taageero ama mucaaradnimo amase aragti beelaysan loo fahmo.
Waxaanse maalintiiba television-ka ka daawaday madaxdii muxaafadka
iyo mucaaradka is-waydaarsanaya weedho hanjabaad iyo dood beelaysan oo
xanaf leh is-waydaarsanaya. Waxaanan xusuustay aniguna maqaal cid kale
qortay ayaan ka xishoonayay, halka madaxdiina waabay isku lisayaan.
Haddaba, madaxda mucaaradka iyo muxaafadkaba waxaanu ka codsanaynaa
inay hoos u wada hadlaan, oo aanay saxaafadda isu marinin weehaha
xanafta leh ee ummadda niyad jebinaya, hana ogaadaan inay dadka oo dhan
madax u yihiin ama ay madaxnimo ka doonayaan.
Arrinta gobolka Sanaagna waxay u baahan tahay in deganaansho iyo
daacadnimo ku jirto oo tudhaale ku jiro; iyadoo la isu miisaamayo xal
salmi ah iyo in laga fekero si aanay inoogu soo noqnoqonin jabhadaynta
oo aynu ognahayn wadada ay ina marin karto (ILahay baynu ka magan
gallay).
Ilaahayoow jidka noo khayr badan na waafaji.
Ilaahy baa mahadleh
Axmed Maxamed Diiriye
Hargeysa
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...