Guddoomiyaha Guddida Sare ee Hay’adda Caymiska Qaranka JSL, ahna Wasiirka Wasaaradda Maaliyadda iyo Horumarinta Dhaqaalaha, Mudane Cabdilaahi Xasan Aadan, ayaa shir-guddoomiyey kulankii labaad ee warbixinta lagu siiyey Guddida Hoggaanka Sare ee Siyaasadda Hay’adda.

Ujeeddada Kulanka

Kulankan waxa sal u ahaa:

Qorshaha Khariiradda Hirgelinta Caymiska Gaadiidka

Dib-u-habeyn iyo nidaamin lagu sameynayo adeegyada caymiska dalka

Kobcinta iyo casriyeynta Suuqa Caymiska JSL

Soo Bandhigga Guddida Farsamo

Guddida farsamo ee wadajirka ah ayaa si istaraatiiji ah u soo bandhigtay:

Habraacyada fulinta qorshaha

Tallaabooyinka farsamo ee lagu bilaabayo hirgelinta caymiska gaadiidka

Qorshe jadwalaysan oo lagu dhaqangelinayo nidaamka cusub

Dood iyo falanqayn ka dib, waxa la isla qaatay go’aanno mudnaan leh oo lagu dardargelinayo fulinta qorshahan.

Tallaabooyinka La Isla Qaatay

Dardargelinta hirgelinta caymiska gaadiidka

Jadwal u sameynta tallaabooyinka muhiimka ah

Xoojinta nidaaminta iyo kalsoonida Suuqa Caymiska

Ugu dambayn, Guddida Hoggaanka Sare iyo Guddida Farsamo waxay si mideysan isugu raaceen in la bilaabo marxaladaha rasmiga ah ee hirgelinta caymiska gaadiidka, taas oo qayb ka ah qorshe ballaadhan oo lagu kobcinayo Suuqa Caymiska Jamhuuriyadda Somaliland, loona dhisayo nidaam caymis oo hufan, la isku halayn karo, isla markaana waara.