Guddoomiyaha Wasaaradda Waxbarashada, Barbaarinta iyo Sayniska ee Gobolka Togdheer Shaafici Nuur Jaamac, oo uu wehelinayey Madaxa Qorshaynta ee Wasaaradda Waxbarashada Gobolka Togdheer Cabdisamed Maxamed Mataan, ayaa saaka kormeer ku tegay dugsiyada:

Dugsiga Cali Xuseen

Dugsiga Caaqil Yare

Dugsiga Koosaar

Dugsiyadan waxaa ka socda mashruuca ECW (Education Cannot Wait), kaas oo lagu hirgeliyey dib-u-habayn iyo dayactir ballaadhan .

Ujeeddada Kormeerka

Kormeerkan ayaa ujeeddadiisu ahayd:

U kuurgelidda heerka uu marayo dayactirka

Qiimaynta tayada shaqada la qabtay

Hubinta in ardaydu helaan deegaan waxbarasho oo ku habboon

Mas’uuliyiintu waxay muujiyeen sida ay uga go’an tahay kor u qaadidda tayada kaabayaasha waxbarashada, si ardaydu u helaan jawi waxbarasho oo badbaado leh oo dhiirrigeliya waxbarashada.

Mashruuca ECW ayaa qayb ka ah dadaallada lagu xoojinayo waxbarashada gobollada, gaar ahaan meelaha u baahan dayactir iyo dib-u-habayn ballaadhan.