Madaxweyne ku-xigeenka Jamhuuriyadda Somaliland Mudane Maxamed Cali Aw Cabdi ayaa maanta kormeer shaqo ku tegay Wasaaradda Tamarta iyo Macdanta, halkaas oo si diirran loogu soo dhaweeyey Wasiirka Wasaaradda Mudane Axmed Jaamac Barre, Agaasimaha Guud Dr. Shucayb Boqor Cismaan (Buurmadow) iyo shaqaalaha wasaaradda.

Madaxweyne ku-xigeenka ayaa mid mid u kormeeray waaxyaha kala duwan ee Wasaaradda, isaga oo u kuurgalay sida ay shaqadu uga socoto iyo adeegyada ay Wasaaraddu qaranka u hayso

Qodobada Muhiimka ah

Madaxweyne ku-xigeenka ayaa booqday waaxyaha kala duwan ee Wasaaradda.

Waxa uu u kuurgalay hab-socodka shaqada iyo hawlaha muhiimka ah.

Wasiirka iyo Agaasimaha Guud ayaa warbixin ka siiyey shaqooyinka wasaaradda.

Intii uu kormeerku socday ka dib, Madaxweyne ku-xigeenka ayaa kulamo kula yeeshay xafiiska Wasiirka Wasiirka iyo Agaasimaha Guud, kuwaas oo ka warbixiyey hawlaha muhiimka ah ee Wasaaradda Tamarta iyo Macdantu uga masuulka tahay Qaranka

Kormeerkan ayaa qayb ka ah dadaallada lagu xoojinayo shaqooyinka hay’adaha dowladda iyo horumarinta waaxaha tamarta iyo macdanta Somaliland.