Ciidanka Dabdamiska iyo Samatabixinta Somaliland ee xarunta Maxamuud Haybe ayaa si guul leh uga soo samatabixiyay laba carruur mataano ah oo ku xannibmay guri ku yaalla degmadaasi.

Ciidanka Dabdamiska ayaa adeegsaday xirfad iyo qalab samatabixin oo casri ah, iyaga oo si badbaado leh guriga uga soo saaray carruurta, kuwaas oo halis ku jiray.

Mas’uuliyiinta Dabdamiska ayaa sheegay in waayadan dambe ay soo badanayaan carruurta lagu xidho guryaha dushooda ama iyagu isugu soo xidha, taas oo keeni karta khataro waaweyn sida:

Dab ka kaca guriga

Neef-qabatin

Ama dhaawac iyo dhimasho

Ciidanka Dabdamiska ayaa ugu baaqay waalidiinta inay si gaar ah uga digtoonaadaan carruurta lagu xidho guryaha, maadaama ay halis weyn ku jirto badbaadadooda.

Haddii aad la kulanto musiibo dab ama xaalad degdeg ah, la xidhiidh lambarka gurmadka degdegga ah ee Ciidanka Dabdamiska Somaliland: 990

(shabakadaha Telesom, Somtel iyo Soltelco).