Aqoonyahanno, masuuliyiin, iyo dhalinyaro ka socday Jamhuuriyadda Somaliland ayaa si firfircoon uga qayb galay Madasha Dire ee heer gobol, oo ah madal ay ku kulmaan dhalinyarada Geeska Afrika, taas oo ka qabsoontay magaalada Diridhaba ee dalka Itoobiya, intii u dhaxaysay 6 ilaa 8 Febraayo 2026.

Madashan heer gobol ayaa isu keentay dhalinyaro, hoggaamiyeyaal, iyo daneeyayaal ka kala yimid dalalka Geeska Afrika, iyadoo diiradda lagu saaray xoojinta doorka dhalinyarada ee nabadda, amniga, iyo ka-qaybqaadashada wax-ku-oolka ah ee la tacaalidda isbeddelka cimilada.