Soomaali Magaceeda In Subaalad Lagu Sheego,Sababteeda Yaa Keenay,Sumcadeeda Ceebeeyay, Socdaalkaga,Sacabada Aad Hoos Dhigato,Saameeyay Dunido Dhan,Saska Umiyuhu Qaaday.

Bismillaahi Alraxmaan Alraxiim, [A.S.C.W.R.W.B]

Tu Khaas Ahna Bahda H/W Iyo Akhristayaasha.

1-Saboolnimadu Ceeb Ma Ha,

Samirkaana Wehelkeed Ah.

2-Sirta Cadawga Lama Siiyo,

Sumcadaadu Waa Sharfta.

3-Sacabada Ha Hoos Dhigan,

Saluug Ruuxa Kuu Muujay.

4-Sababteeda Eebbaa Leh,

Qofku Wuxu Ku Siinaayo.

5-Sare Ruuxa Kuu Eega,

Saraysii Jawaabtiisa.

6‐Sad Haddu Ku Soo Modo,

Sooryee Karaankaaga.

7- Samo Sidad Ku Gaadhayso,

Sankuneefle Haw Dhiiban.

8-Soomaali Kala Socotay,

Seerahooda Kala Otay.

9-Isu Soo Sasabidooda,

Sabalaynta Benbena.

10-Suurtoobi Maysoo,

Somalilaand Diide.

11-Sahal Loogu Tegimayo,

Dibna Looga Sugimayo.

12-Saranser Waxaa Keena,

Sahan Xumida Soyaalka.

13-Sargoyadiyo Seeskeeda,

Sidii Loo Dhigay Noqotay.

Ismail Abdillahi Handuleh.