Madaxweyne Kolenal Caare Ayaa Lagu Mashquulay, Balse Colenal Giirre Ayaa Gobolada Galbeedka Dhawaan Ka Baxay.
Madaxweyne ummada reer somaliland intii kuu codaysay iyo intii kaa codaysayba adiga ayaa Madaxweyne u ah
,ilaahayna wuu kaala xisaabtamayaa
xilkaasi,ummada xil ma deeqo lkn waxa deeqaa waa caddaalad,
caddaaladaasina
Waa mid loo baahanyahay in hoos loo daadajiyo oo ay helaan bulshadu
meelmasta oo ay ku nooshahay,dalka Gudihiisa,dad badan ayaa
hogaamintaada ka filaayey in ay noqoto mid ka warhaysa deegaankasta oo
dalka ka mid ah,markii aad kursiga ugu sarreeya ku fadhiisatay,
Dadku waxay Muddo dheer ku soo jireen,Xukuumaddii uu Gadhwadeenka ka
ahaa Madaxweynihii kaa horreeyey,Mudane Axmed Maxamed Maxamud(siilaanyo)
oo bulshadu ku dhaliili jirtay in Shaqsiyaad xukuumaddiisa ka tirsani
ay awooddiisa isticmaali jirtay,waxa xusid mudan dardaarankii uu kuu soo
jeediyey Madaxweynihii hore Mudane Daahir rayaale kaahin, wuxuu kuu soo
jeediyey in aad la tashiga badisid,go'aanka u dambeeyana aad adigu
qaadato, waxa uu ku soo gunaanaday, Awoodahaaga yaan cidkale kula
isticmaalin,ama magacaaga yaan cid kale ku shaqeysanin,
Waxad moodaa in aad baalmartay tallooyin badan oo haldoorka reer somaliland kuu soo jeedisay,kuwaasi oo nuxurkoodu ahaa
1,in aad dhageysatid tabashooyinka bulshada, 2 in aad la tashato
haldoorka ama labeenta bulsha, 3 in aan Magacaaga iyo awoodahaaga cid
kale isticmaalin,
Maanta xaaladda dalku marayo waynu ka wada dheregsanahay, Muddadii
koobnayd ee aad Madaxweynaha ahayd in Qaybo baban oo dalka ka mid ah oo
horey gacanta xukuumadda ku jirtay in ay ka sii baxayso, marka laga
yimaado sanaag bari
Maanta Sanaag galbeed xaaladdeedu halka ay maraysaa waa meel aan fiicnayn,
Waxa aynu maqleynaa in beeshii dhexe qaybo ka mid ahi ay maanta ku dhawaaqayaan, waxanu doonaynaa Somaliland la wada leeyahay,
Waxa Madaxweyne lagugu dhaliilaa in Xukuumaddaada ay ka muuqato ku xidhnaansho la'aan xaga bulshada,
Golihii xukuumaddaadu waxay noqdeen kuwo aan kasban karin kalsoonida shacabka,
Waxay dadka intiisa badani ay Aaminsanyihiin in Taladaadii ay ku soo
Ururtay Miletery,cidda kuugu dhow ee aad wax ka qaadataana ay
noqotay,Taliyaha Guud ee Ciidanka Qaranka Sarreeye Guud,
General Nuux ismaciil taani iyo Wasiirka Arimaha Gudaha, Colenal Maxamed Kahin,
Labadan Masuul oo ah Nus dambeedkaaga ayaa noqday kuwo aan la mahadin Taladooda,
Waxaynu ognahay Sida goboladii Bari ay gacanta xukuumadda uga sii baxayaan,
Balse waxa iyana jirta guux ka jira Goboladdii galbeeda ee Caasimadda u dhawaa,
Waxan shaki ku jirin in Gobolkii Gabiley ee aad ka soo jeeday in
kalsoonidii bulshadu ku qabtay xukuumaddaadu uu ay sii yaraanayso,
Waxana sobob u ah Wasaaraddii Arimaha Gudaha iyo Wasaaraddii Gaashaandhiga oo isku milmay,
Dowladihii hoose ee dalka oo la garan laayahay cidda xukunta,Mayorro
mediyaha ka caytamaaya, waxa si gaar ah farta loogu fiiqayaa
Muddooyinkan dambe Degmooyin ka mid ah Gobolka Gabiley in si dadban
Maamulkooda uu Madaxweynuhu ugu wareejiyey Taliyaha guud ee ciidanka
Qaranka,sida Degmooyinka Gabiley iyo Togwajaale,
Waxaynu ka warqabney khilaafkii baryahan u dhexeeyey Golaha deegaanka
Gabiley iyo Mayorkooda,waxana khilaafkaasi qayb ka ahaa Taliy Nuux,
Waxa iyana aan shaki ku jirin Maamulka Degmadda Togwajaale oo Bulshada
Deegaankaasi ay kor iyo hoosba ugaga Cawdeen Maamul xumada,Tacaddiga
bulshada lagu hayo,iyo Musuq-Maasuqa xadhkaha goostay, Wasaaradda
Arimaha Gudaha,in uu si toos ah u soo farogeliyey Taliye Nuux, oo adeer
dhow u ah G/xigeenka degmada Mr Muras Nuux oo Sida uu doono bulshada Ula
dhaqma, kuna
Cabsi galiya bulshada Genenka birrta ma i maqleysaa, isagoo ula jeeda Nuux tani,
Hadaba Madaxweyne Bulshada Degmada Togwajale way ka dharagsantahay in
aad Arinta Maamulka Togwajaale aad u xilsaaratay Taliye Nuux,
cabbudhinta,cagajugleynta bulshada lagu hayaana waxay gaadhey heerkii
ugu sarreeyey,waxad ogtahay halka ay Marayso tabashadii Kolneyl Caare in
ay somaliland Horumarkeedii ay wiiqday,
Waxan kuu soo jeedinayaa in aad sida ugu dhakhsaha badan wax uga qabatid xaaladda Maamul xumo ee Wajaale ka taagan,
Haddii kale Caare ayaad ka yaaban tahee,
Kolenyl Giirre Maalin dhow Filo
By colenal Giirre
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...