Xisbiyadi Haddii Ay Heshiiyeen, Xalaal Golayaal Maynu Soo Xulan.
SALAAN KADIB WAXAN MID KHAAS AH U SOO DIRAYAA,
BAHDA HADHWANAAGNEWS IYO AKHRISTAYAASHEEDA.
1-XABADA IYO XADHIGANI XAL NOQONMAYE,XEELAD KALE DALKA MAA DOONTAAN,
XURGUF IYO LAMA WAAYO XEER JEBIN,XANAANAYNTA DADIYO XILGUDASHADU,
XUKUUMADA TALISAY KU XIDHAN TAHAY,XURMEEYA XORNIMADA DADWEYNAHA,
XEERARKAAN DHIGANEE XALAASHA AHIYO,XAQIIJA DISTOORKEENA XAYGA AH.
2-XUMAAN KA FALE QARANKA XADA,XABSIBUU MUDAN YAHAY XIL LAGA QAADE,
XAALKEENU QABYAALADYU NOQONINE,XISHMEEYA XUKUN GOORTA LAGU RIDO,
ODAYAAL XIIQSANOO TVIIYO XIDHOO,KU XOOGSADA XAAJO REER HEBELOOY,
XAGGAY DOONAAN XEEGADAW WADA,XANTIYO SIRTAY XAMAR WADAAGAAN.
3-XISHOODKU SHARAFTU XANBAARA,XUKUNKA CADHADEE XALAALOOBIYO,
XOOGAA KU MUQUUNINAYSAAN,XAD DHAAF INAY YIIN XOGTEEDA OGTIIN,
XULUFAYSI QABYAALAD XAARAANIYO,XAALKEENU XAMARBUU KA LIITAA,
XISBIYADI HADDII AYXAL GAADHEEN,XALAAL GOLAYAAL MAYNU SOO XULI.
4-XANAFTAY REEBTAY TII XAGGAA HORE,XAJIINTEEDI WAYNU ARAGNAAYE,
XISAABTA KA BEDELA XAL BEELEEDOO,XARAGO DOORASHADA HA LOO GALO,
XISHMAYN QARANIMO XAAJO GABANIMO,XIGMADA URURNIMO U SOO XAYTA,
XANAAQ KA ILAASHA XULUFAYN,ARINKEENU XAAFADXAAFADYUU NOQON.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!