Tababaraha Benfica José Mourinho ayaa sheegay in uu weli yahay tababaraha ugu guulaha badan ee taariikhda Chelsea, xilli uu ka hadlayay shirkiisa jaraa’id ka hor kulanka Champions League ee ay kooxdiisu kula ciyaarayso Blues garoonka Stamford Bridge.

Mourinho, oo xusuus gaar ah ku leh kooxda reer London, ayaa tilmaamay in cidna aysan la wadaagin magacaas illaa tababare kale uu ku guuleysto afar horyaal oo Premier League ah.

Waxa uu intaas ku daray: "Chelsea waa mashiin guulaha ah, balse labadii ama saddexdii sano ee ugu dambeeyay waxa ay ahaayeen kuwo aanan arag wax koobab ah. Ka hor imaashahaygii way guuleysteen, markaas kadib kooxdeydu way guuleysatay, kadibna waxaa yimid kooxo iyo tababareyaal cusub oo iyaguna ku guuleystay koobab, xitaa kuwa Yurub ah sida Champions League. Laakiin anigu waxaan ahay kan ugu weyn illaa uu qof kale ku guuleysto afar horyaal.”

Xusuusin: Mourinho ayaa Chelsea kula guuleystay 3 horyaal Premier League, FA Cup, League Cups

Taas oo weli ka dhigaysa tababaraha ugu guulaha badan taariikhda kooxda, inkastoo ay jiraan tababareyaal kale oo ku guuleystay koobabka Yurub.