"Inta Xukuumadda Trump Joogto ayaa la Aqoonsanaya Somaliland" Ted Cruz

Visits: 222
(Rating 0.0/5 Stars) Total Votes: 0
0 0
Share via Social Media

"Inta Xukuumadda Trump Joogto ayaa la Aqoonsanaya Somaliland" Ted Cruz

Afhayeen Deyr wuxuu sidaas ku tibaaxay qoraal uu ku daabacay barta X(Twitter)

Share

Afhayeen Deyr wuxuu sidaas ku tibaaxay qoraal uu ku daabacay barta X(Twitter)

May be an image of ‎4 people and ‎text that says '‎لالهرالیحمد KRY PAy THINGI BRYTHINGI rHT United States SOMALILAND Somaliland アいてり FOX NEWS channel pn foxnews. com Is Trump considering bold Africa play to push back on China, Russia and Islamic terrorists?‎'‎‎

Xukuumadda Jamhuuriyadda Somaliland ayaa shaacisay inay kalsamaan ah u soo dhaweynayso doodaha iyo dhawaaqyada isa soo taraya ee ka socda Washington oo garowsatay adkeysiga dimuqraaddiyadeed, xasilloonida iyo muhiimadda istiraatiijiyadeed ee Somaliland ku leedahay marin-biyoodka Badda Cas.

Sidaasna waxa sheegay Afhayeenka madaxweynaha Jamhuuriyadda Somaliland, Md. Xuseen Aadan Cige (Deyr), waxaannu hambalyeeyay dhawaaqyada afkaarta ku dhisan ee ka soo yeedhaya Kongareeska Mareykanka, oo uu ka mid yahay Senator Ted Cruz, oo soo bandhigay sida Somaliland ugu qalanto in lagu aaminno ilaalinta marinnada ganacsi ee caalamiga ah, la dagaallanka argagixisada, iyo xoojinta xasilloonida Geeska Afrika.

Afhayeen Deyr wuxuu sidaas ku tibaaxay qoraal uu ku daabacay barta X(Twitter) oo ay soo turjuntay Wakaaladda wararka Somaliland ee SOLNA. wuxuuna ka xaal-warramay sida ay Somaliland u unkatay dawladnimadeeda seeska adag leh, xasiloonida iyo Hay'adaha dinuqraadiga ah.

"Somaliland waxa ay la shaqeysay saaxiibadeeda caalamiga ah. Aqoonsigu waa mid aan laga kaaftoomi doonin, sida uu sheegay Madaxweynaha Somaliland Mudane Cabdiraxmaan Maxamed Cabdillaahi (Cirro), 'arrintu ma aha ma la aqoonsanayaa ee su'aashu waa goorma la ictiraafi doonaa Somaliland,'" ayuu yidhi Afhayeenka Madaxweynaha Somaliland.

Xuseen Deyr wuxuu hoosta ka xariiqay in Jamhuuriyadda Somaliland ay diyaar u tahay in ay kor u qaado iskaashiga ay la leedahay Mareykanka iyo dhammaan waddamada xurmeeya dimuqraaddiyadda iyo amniga.