SALAAN KADIB WAXAN MID KHAAS AH U SOO DIRAYAA,

BAHDA HADHWANAAGNEWS IYO AKHRISTAYAASHEEDA.

 

 

1-DAWLADAAN LA AQOONSANO,DIMUQRADIYADAANU NAHAY,

DADAAL BADAN SOO BAXSHOO,NAFIYO DUUNYABA U HURAY,

DOORKANAY YARA DAAHSANTE,DAR BADANO XORA KA DHACAY,

DUNIDA QAAR BADANI QABANE,CITIRAAF BAANU DOONAYNAA.

 

2-DUNIDU INAY WAALAN TAHAY,WAXAY NALA DABASOCODAN,

DAWLADNIMO DUULAAN AQOON,DOORASHO KA XANAAQAYOO,

DUNIDIIBA WAREERIYOO,HORE IYO DABA DIIDAYOON,

DAGAALO U DHEER YAHIIN,DALKOODUNA FOOWDA YAHAY.

 

3-DAWLADAHA CAALAMKE YIDHAA,XUQUUQ BAAN U DOODAYNA,

DALKEENAN SOO KUWA YIMAADA,DARIIQYADA SOO MARMARA,

MA AMMAANKAY DIIDANYIIN,DOOLARKA SUUQA DAADSANIYO,

DUKAAMADA AAN LA XIDHIN,DISTOORKAAN DHIGANAY ARAG.

 

4-MADAXWEYNA LA DOORTO IYO,IMISAA DAWLADO ISBEDELAY,

DEERONA DEERO MAY HERDIYIN,INTII DOORASHEE DHACDAYE,

DIINTEENA ISLAAMNIMIYO,DUSHEENA CALANKEENA SUDHAN,

DALIILKA EEBAHEEN KU YAAL,DELDELAN DUHURIYO HABEEN,

ILAMAA WELIGII DEGAYN,AYUUN BAY NAGU DIIDAN YIINE.

 

5-ALLAHA DAAYINAA JIREE,DANTOOD IYO YEELKADOODE,

MARNABA KAMA DAALAYNEE,DADAALKIYO HAWSHA WADA,

DADAKANA ISU SOO DHAWEE,DIRIRTA CEELAFWEYN DHAME,

DEBNIYO CARABAYS HERDIYA,CAARENA DIB U SOO DABAAL,

                        ISMAIL ABDILLAHI HANDULEH.