Dawlahadaha Somaliland iyo ingiriiska oo isla qaatay in lasoo dadajiyo bilawga wajiga sadexaad ee sanduuqa horumarinta Somliland SDF, si loo daboolo baahida kharashaadka loo qoondeeyey mashaariicda laga fulinayo.

Wasiirka Wasaaradda Maaliyadda iyo Horumarinta Dhaqaalaha Jamhuuriyadda Somaliland Mudane Cabdillaahi Xasan Aaden iyo Agaasimaha Guud ee Wasaaradaasi Mudane Maxamed Xasan Saleebaan ayaa kulan shalay la qaatay Madaxa Xafiiska Dawladda Ingiriiska ee Somaliland Mr. Ilyas Malek iyo Ku-xigeenkiisa ahna Madaxa Xafiiska Mashaariicda Mss. Tatiana Feranandes.

Wasiirka iyo agaasimaha guud ayaa la wadaagay madaxda Xafiiska Dawladda Ingirriska sida ay u fuleen Mashaariicda Dawladda Ingiriisku qaybta ka tahay ee Sanduuqa Horumarinta Somaliland ee SDF2, kuwaas oo hada dhamaad ah igaga oo shegay in mashaariicdaasi ahaayeen qaar wax-ku-ool ah, is la markaana wax weyn ku soo kordhiyey guud ahaan Dalka, gaar ahaan deegaamadii laga fuliyey.

Waxa ka mid ahaa Mashariicda uu maalgalinayey Sanaduuqu wajigaa hore, Horumarinta Biyaha, Wax-soo-saarka Beeraha iyo Xoolaha, Dhismaha Dakadda Maydh, Jidadka iyo kuwo kale.

Gaba-gabadii shirkan waxa la isla qaatay in mudnaanta la siiyo joogtaynta xidhiidhka iyo xoojinta wada shaqayn ee ka dhaxeeya Wasaaradda Maaliyadda iyo Xafiiska Dawladda Ingiriiska ee Hargeysa.