Masuuliyiinta Gobolka Selel ayaa kormeer Xogogaal u noqosho ahaa ku tagey Ceelasha Milicda Deegaanka Toqoshi ee Gobolkaasi.

Guddoomiyaha gobolka Selel Mudane Cabdi Siciid Faahiye, Maayir ku xigeenka Degmadda Saylac iyo Masuuliyiin kale ayaa kormeer xog ogaal u noqosho ah ku tagey ceelasha milixda ee degaanka Toqoshi, markii kormeerkoodu u soo dhammaadey goobtaasi ka hadley ayaa waxay ka warameen saameynta ka dhalatey fatahaada Badda oo ku soo fatahdey gobolkaasi, isla markaasina saameyn xoogan ku yeelatey nolosha dadka iyo duunyada ku nool Gobolka Sellel.

Sidoo kale Iskaashatooyinka Ceelasha Milixda Deegaanka Toqoshi ee Gobolka Sellel, oo iyaguna halkaasi ka hadlay ayaa ka dalbadeen ganacsatada ku sugan Goboladda dalka in taakulo u soo fidiyaan dadkaasi ka gacasan jirey Milixda oo Ceelashoodii ganacsi fatahaadii Badda ku aasmey.

Guddoomiyaha gobolka Selel ayaa sheegay in ka xukuumad ahaan wixii awoodooda ah ay ku kaalmeyn doonaan dadka dhibaatadu ka soo gaadhey fatahaadii badda, si ay ceelashoodii u qotaan.

Waxaanu yidhi."Dadkani waxa ay u baahan yihiin taakulo iyo gurmad si tamartoodii dib loogu sooceliyo, waana waajib in wixii loo helayaba la siiyo, ka xukuumad ahaan wixii awoodayada ahna waanu siineyna, waxa haboon in qorshe laga yeesho sidii dooxa halkan mara loo mareynnlaha si aanay biyaha bariga iyo kuwa baddu isuqabsanin”