Caadifad hadal iyo Caadifad dirir midna looma baahna laakiin waxaa loo baahan yahay Caqli salka ku haya xeer,

Saddex dhardhaar baa jira oo Qaran walba u oo ah dhidibadda uu ku taagan yahay.

Xeer dejinta (Parliamentary) Garsoorka (Judiciary) iyo Fulinta (Executives).

Waxaan ugu muhiimsan xeer dajinta oo ah lafdhabarta isku haysa Dadka iyo Dalka, kolkaa waxaa lagama maarmaan ah in wadanku yeesho gole la jaanqaadi karaya wacyiga iyo waqtiga lagu jiro kana jawaabi karaya xeerarka xaydaabka u ah wada noolaanshaha iyo wadajirka ummada, iyagoo ka baaraandegaya isdiidooyinka sharci ee wadanka kajira si looga baxo xeerarka qabyo-qoraalka, Xildhibaanadu waxay garwadeen u yihiin Qaranka iyo Qoyska si ay ugu yagleelaan xeerarka isku haynta Dalka iyo Dadka. Golaha wakiiladu waa awooda koowaad ee Qaranku leeyahay cidna laguma fulinkaro xeer aan jirin, sidaa awgeed waxaa biyo kama dhibcaan ah in shuruucda la dejiyo hadii ay noqoto mid dhaqan iyo mid dhaqaale si garsoorkunu shaqadiisa u qabsado, fulintana u fuliso xeerarka xaydaabka u ah Qaranka.

Qoraa Yaasiin Daahir Cumar. Gudoomiyaha Macadka Horumarinta iyo Cilmi baadhista Yaas Daher.