Sida aan hore u soo warrinay, Trump ayaa ku dhawaaqay dagaal ganacsi oo ka dhan ah adduunka, isagoo canshuuro cusub soo rogay.

Donald Trump, waxaa uu daaha ka qaaday canshuuro boqolkiiba 10 ah oo la saarayo badeecadaha UK iyo boqolkiiba 20 badeecadaha dalalka Midowga Yurub, taasi oo ah arrin taariikhi ah marka loo eego ganacsiga caalamiga ah.

Madaxda sare ee ganacsiyada waaweyn ee UK ayaa kulan la yeeshay raysal wasaaraha UK, Keir Starmer.

Waxaa hogaamuyeyaashaas kamid ah maamuleyaasha shirkadda weyn ee dawooyinka ee GSK, Unilever, Johnson Matthey oo ah shirlad weyn oo soo saarta kiimiko iyo waxyaabo kale, oo ay weheliyaan wakiillada shirkadaha Airbus, Shell iyo warshadaha baabuurta.

Shirkadahan iyo warshadaha ayaa la sheegay inay si weyn u saameyn doonto canshuuraha uu Trump soo rogay

Raysal wasaaraha Uk ayaa kulanka uu xafiiskiisa kula yeeshay madaxda shirkadaha ganacsi, waxaa uu sheegay inay cadahay in saameyn dhaqaale ay ka dhalan doonto canshuuraha uu Trump ku soo rogay dalkiisa.

Balse waxaa uu sheegay in dowladdiisa ay tallaabo degdeg ah qaadi doonto.

Balse haatan waxaa jira warar soo baxaya oo ah in durba uu hoos ugu dhici karo saamiga suuqyada LOndon ee Ingiriiska.

Ganacsatada ayaa ka walaacsan saameynta dhaqaale ee caalamiga ah ee ka dhalan karta siyaasadda ganacsiga Mareykanka.