Madaxweynaha Jamhuuriyadda Somaliland Dr.Cabdiraxmaan Maxamed Cabdilaahi ayaa midba gaarkiisa ula kulmay Duqa Caasimadda Cabdikariim Axmed Mooge iyo Eng. Cabdirisaaq Maxamed Wiiwaa, Habeen Ka Hor Munaasibada Ciida.

Kulankan oo ka dhashay Khilaaf soo shaac baxay oo ay Xubnaha Golaha Deegaanka ee Hargeysa ku doonayaan in ay xilka kaga tuuraan Duqa Caasimadda Cabdikariim Axmed Mooge ayaan la ogayn waxyaabaha ay Isla meel dhigeen Madaxweynaha, Duqa Caasimadda Iyo Cabdirisaaq Wiiwaa oo ku soo baxay Liiska Xubnaha doonaya in ay Xilka ka Qaadaan Duqa.

Cabdirisaaq Wiiwaa oo maalmahanba la hadal hayay in uu yahay Murashaxa u taagan Kursiga Duqa Hargeysa haddii ay u suurtogasho in Xilka Laga qaado Cabdikariin Axmed Mooge ayaa beeniyay wararkaasi, hasayeeshee Warqad soo baxday ayaa lagu arkay saxeexiisa oo ka dhex muuqda xubnaha ka soo horjeeda Duqa.