Cashuurta Kabka Ee Caasimada Hargeysa Noqon Mayso Deeq Mucaawimo.
Dakhliga Kabka waa cashuur dawladaha hoose leeyahiin balse dawlada dhexe u qabto kadib markii la sameeyay xeerka midaynta cashuuraha Xeer no.12. Isla markaana 6dii bilood ama sanadkiiba mar ayaa loosii daayaa Degmooyinka mid walba percentage ka ay leedahay. Soomaalidu waxay tidhaa Xaafad waxay xaafad kale ugu wareegtaa waa Xasarad. Dakhliga ay degmo leedahay in lasiiyo degmo kale waa dood jaban oon daliil iyo sharcitoona loo haynin.
Cashuurta
Kabka ay xaqa u leedahay Caasimada Hargeysa in loo qaybiyo gobolada waa qayrul
sharci baalmarsan nidaamka iyo cadaalada. Shacabka Reer Hargeysa si cad hawga
soo hor jeedsadeen in cashuurtooda lagu tagrifalo sidii ay tahay deeq mucaawino
ah ama lacag dawlada dhexe leedahay oo si siman loogu qaybinayo Degmooyinka.
Suurtgal
maaha in caasimada la yidhaa 6% ayay ku yeelanaysaan cashuurtii kasoo baxday
kastmada Hargeysa, halka ay hore 31% ka lahayd. Xeerka Ismaamulka Gobolada iyo
Degmooyinka Xeer No 23/2002, qodobkiisa 89aad, si cad ayuu uga soo horjeedaa
jaangooyada cusub ee Golaha Wakiilada ansixiyeen dhowaan.
Qodobka 89aad: Nidaamka Qoondaynta Dakhliga Kabka (12.5%).
1)
Dakhliga dawlada dhexe siiso degmooyinka ee ah qadarka ay ka helaan miisaniyada
guud ee loo yaqaano kabka (12.5%), waa in loo qaybinayaa
degmooyinka iyada oo lagu salaynayo noocyada darajooyinka kala duwan ee
degmooyinka iyo shuruudaha (Criteria) ay ka mid yihiin tirada dadweynaha
degmada, baaxada dhulka ay ku fadhido degmadu iyo dakhliga ay soo saaraan"
Hargeysa
waa Caasimada JSL, waa hooyada dalka, waa muraayada Somaliland. 28 sano Xeerkii
Caasimada waxa hoosta gashaday Golaha Wakiilada oo ragaadiyay maantana
cashuurtii kabka ee Caasimadu xaqa u lahayd in cadaalada laga leexiyo waa
nasiib daro. Sidaas darteed Caasimadu cadaaladbay rabtaa ee curyaaminta halaga
daayo.
Wabilaahi tawfiiq
Qalinkii:
Mohamed Gacayte
Hargeysa/Somaliland
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!