Hargeysa(HWN):-Suxufi Cabdimaalik Coldoon oo xidhnaa xabsiga dhexe ee magaalada Hargeysa ayaa cuntadii ka soomay.

Sida ay sheegayaan warar rasmi ah oo laga helay qaar ka mid ah eheladiisa oo abwaan Siciid Gahayr soo bandhigay, go’aanka coldoon ku joojiyey cuntada ayaa yimid ka dib markii uu cadaadis kala kulmay saraakiisha maamusha xabsiga dhexe ee magaalada Hargeysa.

Sidoo kale wararka ayaa sheegay in suxufi Cabdimaalik Muuse Coldoon ay ciidamada asluubta somaliland u qaadeen xabsiga mandheera si uu ugu dhamaysto xadhiga sadexda sanadood iyo lixda bilood ah ee maxkamada gobolka Maroodijeex ku xukuntay.

Ilaa hada ma jiro war rasmi ah oo ka soo baxay xukuumada somaliland oo la xidhiidha go’aanka uu cuntada ku joojiyey suxufi Cabdimaalik Muuse Coldoon.