Nidaamkii Dowladnimo Ee Somaliland Ma Wuxu Noqday Mid Cid Gaara U Adeega
Salaan guud kadib, waxaan aad u doonayya in aan dadka u soo gudbiyo hab dhaqanka maamul
ee Somaliland lagu soo waday mudo 30 sano ah, kaas o
marba marka ka danbeeya u soo gacan galaaya koox gaara, ama reer magac
wadaaga.
Waxaan doonayaa in aan u kala qaybiyo dhowr qaybood oo kala ah
1_Nidaamka dhaqaalaha dalka loo maamulo
2_ Nidaamka shaqaalaysinta dadweynaha loo maamulo
3_Nidaamka siyaasada dalka lagu hago mid gudeed iyo mid dabadeed.
waxaan ku bilaabayaa ka koowaad
Nidaamka dhaqaalaha dalka lagu maamulo waxaynu ka bilaabayna habka
cashuuraha SOMALILAND loo qaado ee ay Gobolada loogu kala qaybiyay,
maadaama dalkeenu aanu lahayn wax soo saar buuran oo aan ahayn cashuur
laga qaado ganacsatada nooc kasta o ay yihiin, hadaba sideeba loo
maamulo nidaamka cashuur bixinta iyo sideeba loogu kala sad_buriyay
gobolada dalka
Waxaynu ku bilaabayna sida tan, 1998 ayuu Madaxweyne Cigaal ku soo
saaray decroto odhanaysa in dalka cashuurtiisa lagu soo uruuriya laba
meelood oo kaliya, labadaa meelood oo kala ah Berbera iyo Gabilay,iyadoo
labadaa meelood laga dhigay labada meelood ee kaliya ee dalka cashuurta
lagu qaadi karo, hadii meel kale cashuur lagu bixiyo ay tahay mid aan
sharci ahayn.
Hadaba cashuurta lagu kala bixiyaa maxay tahay labadaa meelood
1_ Gabilay waxaa lagu bixiyaa wax kasta oo dalka ka soo gala wadamada
Ethiopia iyo Djabouti nooc kasta oo ay noqdaan,Gabilay waxaa lagu
qaadaa cashuur kor u dhaaftay maalin walba 380,000$ sadex boqol iyo
sideetan kun oo dollar, lacagtaas oo kala badh ay dib u gasho dadka
deegaanka ah sifo sharci ah iyo mid aan sharci ahaynba, alaabtaa
cashuurtaa laga qaato 95% waxay soo dhaafaan Gabilay oo waxay u soo
gudbaan gobolada kale, sida Maroodi jeex, togdheer, Awdal, Sanaag iyo
Sool.
Wax yar hadii aan tusaale u soo qaato, Gobolka Howd waxaa maalin walba
ka baxday lacag dhan 45,000$ shan iyo afartan kun o dollar oo kaga
baxday Qaadka wax cashuura oo ka soo gashaana ma jirto hal santi kama
soo galo, halka Gabilay maalintii kaga baxda Qaadka wax ka yar 15,000$,
taa macnaheedu maaha Gabilay Qaad laguma cuno ee waxa weeeye dadka
Gabilay Qaadku wuxu ku soo gale sifo kale oo ah in ay si bilaash ku heli
karaan dad badani madaama ay tahay xarruntii lagu cashuuraayay.
Nidaamka cashuureed ee dowladnimadu wuxuu qayaxayaa in cashuurta lagu
bixiyo meesha lagu isticmaalo alaabtaa ee dalka ka mid ah, marka laga
yimaado cashuurta guud ee dowlada dhexe qaadato ee ka dhaxaysa qaranka,
hadii aynu hadaba yara jaleecno Gobolka Howd lacagtaa uu Qaadka ku
bixiyo maalintii oo ah 45,000$ muxu xaq u heli lahaa cashuur, waxaynu
odhan karnaa 5000$ dollar sanadkii waa lacag dhan 1,810,000$, lacagtaasu
waxay mushahar siin kartaa in ka badan 2000 oo shaqaale, waxay dhisi
kartaa sanad walba 2 cusbitaal, waxay mudo 3 sano ah ku dhamayn karta
wado casri ah oo gobolka Howd oo dhan isku xidha, waxay kafaalo qaadi
kartaa 3000 oo arday oo Gobolka sanad walba wax lagu baro.
Nasiib daro lacagtaasu waxay ku dhacdaa cid gaara oo lagu qaraabo
kiilo, sanad walbana waxaa lagu jeexdaa guryo khaas loo leeyahay oo ka
badan 2000 oo guri, oo mid walba lagu dhistay ugu yaraan 100,000$, halka
dadkii xaqa u lahaana ay gidaarada ku bakhtiyayaan.
lac soco qaybta danbe
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...