'' Xukuumad Midnimo Qaran ''.
1- Wadamadda Carbeed ee kala ah , Masar , Siria ,Jordan iyo Iraq waxay ku dhawaaqeen in ay cagta marinayaan wadanka Israel , Madaxwayne Jamaal C/naasir oo arrintaas ka hadlayaana wuxuu yidhi '' mar dhaw ayaanu soo af-jaraynaa''.
2- Wadamadaas Carbeed waxay dagaal xoogle oo dhinac walba ah ku qaadeen wadanka Yuhuudda , waxaanay si wayn u hirgeliyeen siyaasadii la odhan jirey No ( No Peace , No Recognition , No reconciliation ) .
3- Wadanka Masar wuxuu ka xidhay Israel Marin biyoodka loo yaqaano Tiran oo ah afaafka amaba iridda horre ee Marin biyoodka suways , oo isku xidha Badda Cas iyo Badwaynta Mediterranean sea .
4- Isla sanadkaas 1966 Waddanka Faransiiska oo horre saaxiib dhaw ula ahaa Isreal wuxuu kusoo rogay cuna qabatayn dhinaca hubka ah , waxaanu ku eedeeyey xad gudub ku saabsan xaquuqda aadamaha .
Hadaba si ay Isreal uga gudubto mushaakilkaas , waxay qaaday labba talaabo oo ay ku badbaaday kuwaasoo kala ahaa .
1- 12-Jenuary 1966 , Isreal waxay soo dhistay xukuumad cusub oo wadaag ah , taasoo ay ku jiraan dhamaanba axsaabta wadanku . xukuumadaas oo ka koobnayd 18 wasiir oo isugu jirta , dhamaanba madaxdii axsaabta iyo xisbiyadda , waxaa laggu daray 3 wasiir oo cusub bishii july ee isla sanadkaas , waxaanay sidaa ku noqotay 21 wasiir .
Sababta Waagaas Isreal u samaysay Xukuumadda Midnimada Qaran ee salka-balaadhinana waxay ahayd in Dadka loo mideeyo wajahaadda khataraha ay dareemayaan iiyo culayska ay arkayeen .
2- Talaabadda 2 aad ee Wadankaasi waagaas qaaday waxay ahayd , weerarkii ay kala hormareen Wadamadda Carbeed 05-june 1967 , weerarkaas oo loo bixiyey Dagaalkii lixda cisho , waxaanu dagaalkaasi ka qaaday culaysyo badan Isreal dhinaca siyaasadda , dhaqaalaha iyo amniggaba .
Hadaba Wadanka Somaliland oo laggu soo qaaday weerar balaadhan oo dhaqaale iyo siyaasadeed oo kagga imanaya Wadanka Soomaaliya waxaa la gudboon Madaxwaynaha iyo xisbigiisa talada hayaba , laba qodob , kuwaasoo kala ah .
1- Dhisidda Xukuumad midnimo Qaran , taasoo midaysa shacabka , lana tacaasha duruuraha jirra .
2- Dejinta khariidado siyaasadeed oo lagaga hortago khataraha kasoo kordhaya Mogdisho , kuwaasoo ay tahay in talaabooyin ku haboon lagagala hor marro intii difaacooda la sugu lahaa , maxaa yeelay dawladaha difaacu uma wanaagsana .
Ahmed Nour Guruje
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!