Waxaa maanta inoo bilaamay Ololaha Doorashooyinka Madaxtooyada iyo ururada Siyaasadda,taasoo ay shaaciyeen Guddida Doorashooyinka S/land. Hadaba waxay Wasaaradda Arrimaha Gudaha S/land oo masuul ka ah guud ahaan amniga gudaha Dalka ay faraysaa shacabka S/land in ay ilaaliyaan nabadgelyada, si buuxdana ula shaqeeyaan Ciidamada sugaya amnig, gaar ahaana Ciidamada Booliska oo ah kuwa haya shaqada ugu muhiimsan waqtigan ololaha.

Waxay Wasaaraddu ku adkaynaysaa shacabka S/land, madaxda asxaabta in ay la shaqeeyaan Ciidamada Booliska oo ah kuwo markasta u taagan ilaalinta Nabadgalyada, waxaa waajib ah in shacabka S/land fiiro dheer u yeeshaan shirqoolada cadawga Somaliland maleegayaan ee ka dhanka ah Qarannimada S/land, Dumuqraadiyada iyo jiritaankoodaba.

Wixii khatar amni ah ee aad aragto la soo wadaag Muwaadin Xafiiska Heeganka ee Wasaaradda Arrimaha Gudaha JSL: 9119. " Xafiiska Warbaahinta ee Wasaarada Arrimaha gudaha.