Deg deg Xildhibaan ka tirsan Baarlamanka Somalia oo u jawaabaya M.Deni oo maanta difaacay 'xidhiidh' lala yeesho Itoobiya.

0
Tuesday August 06, 2024 - 15:28:49 in News by Xaaji Faysal
  • Visits: 1569
  • (Rating 0.0/5 Stars) Total Votes: 0
  • 0 0
  • Share via Social Media

    Deg deg Xildhibaan ka tirsan Baarlamanka Somalia oo u jawaabaya M.Deni oo maanta difaacay 'xidhiidh' lala yeesho Itoobiya.

    Khilaaf siyaasadeed oo gudaha dalkeenna ka jira in uu madax ...

    Share on Twitter Share on facebook Share on Digg Share on Stumbleupon Share on Delicious Share on Google Plus

Khilaaf siyaasadeed oo gudaha dalkeenna ka jira in uu madax ...
May be an image of 1 person and text



Waa nasiibdarro weyn in maanta masuuliyiin Ummadda Soomaaliyeed xilal u haya, damacna kaga jiro in ay xilka qaranka ugu sareeya innoo qabtaan ay maanta marinhabaabiyaan qaddiyadda siddeeda bilood soo jirtay ee innoo dhaxaysa Itoobiya, iskuna dayaan in ay u rogaan mawduuc siyaasadeed oo khuseeya siyaasiyiin gaar ah.

Cidna kama qarsoona in Itoobiya dhul iyo bad Soomaaliyeed soo damacday, waligeedna damacsanayd. Warkaasi wuxu ku cadyahay warka sida joogtada ah uga soo yeeraya madaxdooda oo ku celcelinaya in ay "xoog iyo xeelad" ku rabaan bad iyo dhulka ay u mari lahaayeenba.

Khilaaf siyaasadeed oo gudaha dalkeenna ka jira in uu madax ka indhasaabo halis jiritaanka qaranka iyo midnimadiisa ku soo fool leh waa ceeb wayn.

Waxan ugu baaqayaa cidda waddaas qaldan qaaday in ay u soo noqoto jidka saxda ah, oo cagliga ka shaqaysiiyaan, damiirkoodana ka run sheegaan si ayna ugu adeegin cadow dhul iyo dad hore innooga haystay, haddana ka badan innaga raba.

Xildhibaan Ayuub Ismaaciil Yuusuf

Loading...
Loading...