Siyaasiga maanta jooga. Sheeko gaaban oo xikmad leh . (CaliBiixi)

Visits: 622
(Rating 0.0/5 Stars) Total Votes: 0
0 0
Share via Social Media

Siyaasiga maanta jooga. Sheeko gaaban oo xikmad leh . (CaliBiixi)

Waa siyaasiga maanta jooga iyo sida uu u fekeraayo.

Share

Waa siyaasiga maanta jooga iyo sida uu u fekeraayo.

Nin gaadhi qurux badan wata. ,

Oo xaragoonaaya, ayaa meel miyi ah ugu tegey,

Oday reer miyi ah oo adhi la jooga fara badan.

Waxa uu ku yidhi :

Hadii aan tirada adhigaaga kuu sheego, neef ma I siinaysaa?

Odaygii ayaa ugu jawaabay:

Hadii aad saxdo

(Haa) .

Ninkii ayaa inta uu Telephone kiisii la soo baxay

Wax ku qorqoray.

Kadibna waxa uu yidhi:

Waa 321 -tan neef.

Odaygii ayaa ugu jawabay: waa runtaa.

Ninkii Neef ayuu soo qabsaday oo ku ritay gaadhiga xagiisii danbe

Isaga oo faraxsan.

Odaygii ayaa ku idhi:

Hadii aan kuu sheego,

Waxa aad ka shaqeyso,

Neef kaygii ma ii soo celinaysaa?

Ninkii oo la yaaban odaygan hadalkiisa: ayaa ugu jawaabay;

Haa .

Odaygii ayaa ku yidhi: waxaad tahay siyaasi.

Ninkii oo ka yaabay odaygan reer miyiga ah iyo garaadkiisa, ayaa ugu jawaabay:

Haa yee

Maxaad ku garatay?

Odaygii ayaa ugu jawaavay;: qofka siyaasiga ah ayuunbaa ku xisaabtama xoolaha dadku leeyihiin,

Ee aanu isagu shaqeysan.

Isaga oo aan kala garanayn xoolaha adhiga ah iyo Ey-ga xoolaha raaca ee ku dhex jira.

Markaa Ey-gaygii adhiga ii raacaayay, ayaad ku ridatay gaadhigaaga xagiisa danbe,

Ee Ey-gayga ii soo deji.

Waa siyaasiga maanta jooga iyo sida uu u fekeraayo.

Cali Biixi

AFEEF:

Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!