Bismillaahi Alraxmaan Alraxiim [A.S.C.W.R.W.B]

Tu Khaas Ahna Bahda H/W Iyo Akhristayaasha.

Odayba Ka Maahmaahay Beri,Erayo Soo Gaadhay,

Allaylehe Inteedaan Ku Sugay,Aradkan Gaarodi,

Ayuu Yidhi Siday Arini Maalinta,Ula Ekoonaatay,

Anfariir Amuurahan Socdaa,Waa Af Kala Qaada,

2-Ana Maan Ka Filahayn Jibriil,Odayga Uu Maagay,

Haddii Uu Isaaq Caayilaa,Waan Afgaran Layeh,

Amankaag Irdhoowbu Dhigiyo,Oday Ka Sheekeye,

Abtirsiimo Ugu Faan Duqiyay,Aammineen Goluhu.

3-Afkaa Xadda Wixii Kuugu Jira,Uurka Iyo Laabta,

Inkastood Adkaysaba,Mar Bay Ooda Soo Jebine,

Isma Celiyo Aadmiga Xumaan,Lagu Abuuraayeh,

Iblays Kuu Wataan Laga Karayin,Amusiyo Joog.

4-Ina Geeleh Ololihan Run Wuu,Soo Agaasimay,

Inay Gaadhi Mooyee Haddeer,Ways Aroosteene,

Abiye Iyo Ina Sheekhna Waa,Eegashiyo Dhawris,

Olol Inuu Sudhuu Doonaya,Inan Yar Weeyaane.

Ismail Abdillahi Handuleh.